DÍA DA MULLER TRABALLADORA

O luns 8 de marzo conmemórase o Día Internacional da Muller Traballadora.

As propostas para conmemorar esta data xiran arredor do papel das mulleres en distintas épocas, contextos e países. Descubriremos a historia da keniata Wangari Maathai a partir do conto WANGARI E AS ÁRBORES DA PAZ, e as actividades propostas na unidade didáctica do STEG.



Outra proposta interesante é ver o vídeo "BINTA Y LA GRAN IDEA", corto de Javier Fesser que trata do dereito das nenas á educación e presenta o analfabetismo como causa e efecto da discriminación entre homes e mulleres. Está rodada en Senegal en colaboración con UNICEF.

Un grupo da Asociación Multicultural de Mulleres visitarán á escola para contarnos a súa experiencia en países como Angola, Namibia, Colombia e Marrocos.