EXPOSICIÓN MULTICULTURAL

Coincidindo coa celebración do día das bibliotecas escolares organizouse na escola unha exposición de obxectos e materiais procedentes de diferentes países, que se realizou coa colaboración das familias do alumnado, do secretariado do xitano e a Asociación Multicultural de Mulleres. Nesta exposición poidemos contemplar obxectos de Alxeria, Arxentina, Bolivia, Brasil, Bulgaria, China, Colombia, Cuba, España, Francia, Guatemala, Honduras, Italia, Marrocos, México, Mozambique, Nixeria, Paraguai, Perú, Portugal, Romanía, Rusia, Suíza, Turquía, Uruguai, Venezuela, … Obxectos que nos levaron a investigar a sua orixe, o seu uso, e que trouxeron á escola un anaquiño do seu país de procedencia.